Խաբարովսկում Սու-34 ռմբակոծիչ է կործանվել

Խաբարովսկի երկրամասում պլանային թռիչքի ժամանակ վթարի Է ենթարկվել Սու-34 ռմբակոծիչը: Այդ մասին, հաղորդել են Արեւելյան ռազմական օկրուգի (ԱՌՕ) մամուլի ծառայությունում:

«Հոկտեմբերի 21-ին Խաբարովսկի երկրամասում պլանային ուսումնա-վարժական թռիչք անցկացնելիս վթարի Է ենթարկվել Արեւելյան ռազմական օկրուգի Սու-34 ինքնաթիռը: Օդաչուները կատապուլտվել են:

Նրանց առողջությանը ոչինչ չի սպառնում»,-ասել են մամուլի ծառայությունում:

Զինվորականների խոսքով, ներկայում անձնակազմի անդամները տարհանվել են բազավորման օդակայան: «Թռիչքը կատարվել Է առանց մարտական լրակազմի:

Ինքնաթիռն ընկել Է անտառա-հարթավայրային տեղանքում: Գետնի վրա ավերածություններ չկան»,-ասել են մամուլի ծառայությունում: Այնտեղ նշել են, որ պատահարի պատճառները եւ հանգամանքները պարզելու համար վթարի վայր Է ուղարկվել Արեւելյան ռազմական օկրուգի հանձնաժողովը, հաղորդել Է «Ինտերֆաքս»-ը: