Արտաշատի համայնքապետի գլխավորությամբ ջոկատ է կազմվում
Արտաշատի համայնքապետի Կարեն Բենյամինյանն արձագանքելով վարչապետ Նիկոլ Փաշինյանի կամավորագրման կոչին՝ հայտնել է, որ իր գլխավորությամբ ջոկատ է կազմում։
«Սիրելի՛ համաքաղաքացիներ, ականջալուր լինելով ՀՀ վարչապետի կոչին՝ իմ գլխավորությամբ կազմավորվում է կամավորական ջոկատ։
Հայրենքի պաշտպանության սրբազան գործի համար բոլորս պարտավոր ենք համախմբվել և միասին կերտել մեր նորօրյա հաղթանակը:
Ուստի, մեր գոյության վճռորոշ պայքարի այս օրերին կոչ եմ անում մեր համայնքի բնակիչներին՝ կամավորագրվել հայրենական պայքարին։
Վաղը ժամը 9.00ից սկսած կարող եք դիմել Արտաշատի համայնքապետարան՝ ձևավորելու «Արտաշատ» կամավորական ջոկատ և միանալու արդար պայքարին։ Փա՛ռք Հայոց բանակին»,- ասված է համայնքապետի գրառման մեջ։
