Մի քանի դիակ ենք թույլ տվել վերցնեն, մենք էլ ենք վերցրել, և անմիջապես դադարեցվել է. Արծրուն Հովհաննիսյան

Այսօր Հայկական միասնական տեղեկատվական կենտրոնում տեղի ունեցած ճեպազրույցի ժամանակ լրագրողին հարցին՝ տեսանյութ է հրապարակվել, որտեղ ադրբեջանական կողմը դիակներ է դուրս բերել, արդյո՞ք հայկական կողմին հաջողվել է նահատակների մարմինները տեղափոխել, Արծրուն Հովհաննիսյանը նշել է․

«Ես նշեցի նույն օրը, որ հրադադարի պայմանավորությունը մի տեղամասում է իրականացվել: Մի քանի դիակ ենք թույլ տվել վերցնեն, մենք էլ ենք վերցրել, և անմիջապես դադարեցվել է, որովհետև միջազգային երաշխիքները չեն պահպանվել»։

Հովհաննիսյանն ասել է, որ այլ տվյալներ այս պահին չի կարող ասել, այդ թվում՝ գերիների փոխանակման մասին:

Հիշեցնենք, որ օրեր առաջ ՀՀ ՊՆ ներկայացուցիչն ասել է, որ ադրբեջանական կողմը նաև դիակների փոխանակման ժամանակահատվածն է օգտագործում սադրանքների համար: