Այս պահին Հադրութի և հարավային ուղղություններով մարտերը շարունակվում են. Վահրամ Պողոսյան
Այս պահի դրությամբ եւ՛ Հադրութի ուղղությամբ, եւ՛ հարավային ուղղությամբ շարունակվում են մարտերը։ Այս մասին «Ազատության» «Ֆեյսբուքյան ասուլիս» հաղորդման ժամանակ ասել է Արցախի Հանրապետության նախագահի մամուլի խոսնակ Վահրամ Պողոսյանը:
Նա նշել է, որ Հադրութի ուղղությամբ շարունակվում են Ադրբեջանի բանակի նախահարձակ գործողությունները, որոնց Պաշտպանության բանակը համաչափ պատասխան է տալիս:
«Ադրբեջանի բանակը շարունակում է նախահարձակ գործողություններ իրականացնել, որին համաչափ պատասխան է տալիս ՊԲ-ն: Մարտերը ծանր են, բայց ՊԲ-ն կարողանում է համարժեք գործողություններ իրականացնել»,- ասել է Պողոսյանը:
