Անցնող ժամերի ընթացքում 3 ԱԹՍ է խոցվել, 1 ինքնաթիռ, 3 զրահատեխնիկա և մոտ 200 ադրբեջանցի է սպանվել. Արծրուն Հովհաննիսյան

Գերիների մարմինների դուրս բերումը չի կատարվում, քանի որ Ադրբեջանը չի պահում հրադադարը՝ մի քանի պատճառներով: Այս մասին այսօր Հայկական միասնական տեղեկատվական կենտրոնում ասաց պաշտպանության նախարարության ներկայացուցիչ Արծրուն Հովհաննիսյանը:

«Պատճառներց մեկը այն է, որ ընդունելով այդ պայմանները՝ գերիների և դիակների փոխանակումը պետք է իրականացվի միջազգային համապատասխան կառույցների երաշխավորությամբ, որոնք մտնելու են մարտական գործողությունների շրջան, ինչն Ադրբեջանը բացարձակապես չի ուզում կատարել և չի ընդունում»,-ասաց մա:

Ինչ վերաբերում է Թալիշ գյուղին, Արծրուն Հովհաննիսյանն ասաց.«Թալիշ գյուղը ադրբեջանական վերահսկողության ներքո չէ, գյուղի մատույցներում են ադրբեջանական զորքերը, քանի որ մենք հյուսիսային ուղղությամբ կատարել ենք համապատասխան զորքերի վերախմբավուրումներ՝ Թալիշ, Մատաղիս ուղղությամբ, հետևաբար կարող են նման տեսանյութեր հրապարակվել»:

Արծրուն Հովհաննիսյանը վստահեցրեց, որ հայկական կողմի կորուստները բոլոր նույնականացվելուց հետո հրապարակվում են: «Անցնող ժամերի ընթացքում 3 ԱԹՍ է խոցվել, մեկ ինքնաթիռ, երեք զրահատեխնիկա և մոտավորապես 200 ադրբեջանցի է սպանվել»,-ասաց նա: