Հրադադարի պայմանավորվածությունից հետո ադրբեջանցիներն առնվազն 4 խաղաղ բնակչի են սպանել

Ադրբեջանը բարձր ճշգրտությամբ կիրառել է քաղաքացիական բնակչության դեմ հեռահար հրթիռներ և զենքեր։ Այս մասին այսօր լրագրողների հետ հանդիպմանը նշեց ԱՀ մարդու իրավունքների պաշտպան Արտակ Բեգլարյանը:

«Ակնհայտ է, որ Ադրբեջանական ԶՈՒ-ն ուներ ընդգծված միտում հարվածելու և կորուստներ պատճառելու խաղաղ բնակչությանը»,- նշեց նա։ 

Բեգլարյանը տեղեկացրեց, որ հրադադարի պայմանավորվածության ուժի մեջ մտնելուց հետո, ադրբեջանական զինված ուժերի կողմից Արցախում սպանվել է առնվազն 5 քաղաքացիական անձ:

Նա մասնավորեցրեց՝ հոկտեմբերի 10-ի կեսօրին Հադրութ քաղաք ներխուժած դիվերսիոն խմբի անդամները գնդակահարել են առնվազն չորս քաղաքացիական անձի՝ Անահիտ Մովսիսյանին ու նրա՝ հաշմանդամություն ունեցող որդուն՝ Միշա Մովսիսյանին, նաև Նվեր Գրիգորյանին և Արտյոմ Միրզոյանին:

Բեգլարյանը տեղկեացրեց՝ նախնական տվյալներով՝ Հադրութում քաղաքացիական անձանց շրջանում այլ զոհեր ևս կան, հանգամանքները դեռ պարզվում են: