Ո՞ր դեպքում կկիրառվեն «Իսկանդերը» և «Սու 25»-ը. Արծրուն Հովհաննիսյանը կանխավ հայտարարությունը տեղին չհամարեց

Լրագրողները ՀՀ ՊՆ ներկայացուցիչ Արծրուն Հովհաննիսյանից հետաքրքրվեցին, թե ո՞ր դեպքում կկիրառվեն «Իսկանդեր» հրթիռային համալիրն ու «ՍՈՒ 25» կործանիչը։ Սակայն Հովհաննիսյանը տեղին չհամարեց այդ հարցը դարձնել քննարկման առարկա։

«Զինվորականներն ունեն կոնկրետ մարտական գործողությունների վարման հստակ ծրագրեր, գործիքակազմ, մարտավարություն և այլն։ Կանխավ հայտարարել կամ անմիջապես հայտարարել, միշտ չէ, որ տեղին է։ Երբ որ անհրաժեշտ կհամարեն, երբ որ մարտական գործողությունների տրամաբանությանը կհամապատասխանի տվյալ զինատեսակի կիրառման անհրաժեշտությունը, այդ ժամանակ էլ, միանշանակ, կկիրառեն»,- ասաց Արծրուն Հովհաննիսյանը։