Արցախում խաղաղ բնակչության տեղահանում չի կատարվում. Արծրուն Հովհաննիսյան
Քիչ առաջ մամուլի ասուլիսի ժամանակ Արծրուն Հովհաննիսյանը խոսեց այն մասին, որ շատերը դիմում են այդ թվում նաև իրեն՝ պատրաստակամություն հայտնելով ապաստարան, բնակարան տրամադրել նրանց, ովքեր դրա կարիքն ունեն. «Մեզ շատ են դիմում՝ անձամբ ինձ կապված բնակարաններ և ապաստարաններ տրամադրելու մասով։ Ասեմ, որ նման անհրաժեշտություն չկա, եթե լինի նման անհրաժեշտություն, դուք պաշտոնապես կիմանաք։ Համապատասխան մարմինները կաշխատեն այդ ուղղությամբ, կասեն ինչքան հյուրատուն, ապաստարան պետք կլինի որ տարիքի, ինչ թվաքանակի բնակչության համար:
Առայժմ նման բան չկա, որովհետև չկա մասսայական տեղահանում: Խաղաղ բնակչության տեղահանում չի կատարվում»:
