Ադրբեջանական կողմը դիերը տարհանելու խնդրանքով չի դիմել մեզ. Արծրուն Հովհաննիսյան

Ադրբեջանական կողմը արցախա-ադրբեջանական շփման գծում ծավալված մարտերի ընթացքում կորցրած զինծառայողների դիերը տարհանելու խնդրանքով չի դիմել հայկական կողմին: Հրավիրված մամուլի ասուլիսին այս մասին ասաց ՊՆ ներկայացուցիչ Արծրուն Հովհաննիսյանը:

«ՊԲ-ն տարածել էր տեսանյութ, որտեղ երևում էին ադրբեջանական զորքերի զինծառայողների բազմաթիվ դիակներ: Պաշտոնապես հայտարարվել է, որ նրանք հայկական կողմում թողնված ունեն մի քանի տասնյակ դիակ»,- նշեց Հովհաննիսյանը:

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Ադրբեջանի հարձակման հետևանքով առաջին զոհերը եղել են Մարտունու շրջանում՝ մեկ կին և մեկ երեխա: Հայկական կողմն ունի 31 զոհ և կա շուրջ 200 վիրավոր տարբեր աստիճանի մարմնական վնասվածքներով։ Հակառակորդը հրետակոծել է նաև դպրոցներ, ներառյալ Ստեփանակերտում։