Փաստորեն մի ժամում հակահարձակման օպերացիա են մշակում, երնեկ խելքներիդ. Արծրուն Հովհաննիսյան

Փաստորեն մի ժամում հակահարձակման օպերացիա են մշակում։ Երնեկ խելքներիդ։ Այս մասին ֆեյսբուքյան իր էջում գրել է ՊՆ ներկայացուցիչ Արծրուն Հովհաննիսյանը՝ հղում տալով ՀՀ ՊՆ խոսնակ Շուշան Ստեփանյանի գրառմանը: 

«Ժող Շուշանի փաստարկները թարգմանեք ու բոլոր հարթակներում օգտագործեք։ Ադրբեջանը բազում ապացույցներ է թողել, որ իրենք են պլանավորել հարձակումը»,-գրել է նա։

Քիչ առաջ ՊՆ խոսնակ Շուշան Ստեփանյանը գրառում էր կատարել. 

«Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին, ինչը փաստում է, որ գործողությունները վաղուց պլանավորված են եղել։ Տարրական գիտելիք ունեցող ցանկացած զինվորական կփաստի, որ հակահարձակման օպերացիայի պլանավորումը շաբաթներ է տևում։ Էսկալացիայի մասին պաշտոնական հաղորդագրությունից րոպեներ անց էլ ադրբեջանական և թուրքական լրատվամիջոցներն առաջնագծից նյութեր են հրապարակում, ինչը ևս փաստում է, որ Ադրբեջանի ձեռնարկած սադրանքը նախապես ծրագրված էր»,-գրել էր խոսնակը։