Ադրբեջանի կորուստները շատ մեծ են, այդ թվում՝ բարձրաստիճան զինվորականներ. Սուրեն Սարումյան
Արցախա-ադրբեջանական շփման գծում հակառակորդի սադրիչ գործողությունների ընթացքում զոհվել են իրենց իսկ բարձրաստիճան զինվորականներ, մամուլի ասուլիսի ժամանակ հայտնել է ԱՀ պաշտպանության բանակի տեղեկատվության բաժնի պետի պաշտոնակատար Սուրեն Սարումյանը։
Նրա խոսքով՝ հակառակորդի կենդանի ուժի նոր կորուստների մասին տվյալներ դեռևս չկան։
«Մեր մասնագետները մոնիտորինգ են անում ադրբեջանական սոցիալական ցանցերում։ Նրանց կորուստները շատ մեծ են, այդ թվում՝ նաև բարձրաստիճան զինվորականներ»,-նշել է Սարումյանը։
