Ռուսաստանի Պրիմորիեյի երկրամասում բեռնատարը վրաերթի է ենթարկել 5 երեխաների և 2 մեծահասակի: Այս մասին հայտնում է RT-ն՝ հղում տալով երկրի ներքին գործերի նախարարությանը: 

Հաղորդվում է, որ 1 երեխա մահացել է, մեկ երեխա էլ ծանր վիճակում հոսպիտալացվել է: Նշվում է, որ հետիոտները փորձել են փողոցը հատել երթևեկելի հատվածում՝ առանց հետևելու անվտանգության կանոններին:  

Նշվում է, որ բեռնատարի վարորդը սթափ վիճակում է եղել, և ունեցել բոլոր անհրաժեշտ փաստաթղթերը: Այժմ հարուցվել է քրեական գործ՝ կատարվում է նախաքննություն: