Եվրասիական միջկառավարական խորհրդի նիստը կկայանա Երևանում
Հոկտեմբերի 8-ից 9-ը Երևանում կկայանա Եվրասիական միջկառավարական խորհրդի նիստը։
Վարչապետ Նիկոլ Փաշինյանը որոշում է ստորագրել, որով Հայաստանի Հանրապետության արտաքին գործերի նախարարին և Հայաստանի Հանրապետության արտաքին գործերի նախարարության պետական արարողակարգի ծառայության պետին հանձնարարել է ապահովել նիստի կազմակերպական աշխատանքների պատշաճ մակարդակով կատարումը, նախապատրաստել նիստի ծրագիրը և ապահովել ծրագրով նախատեսված միջոցառումների իրականացումը, պաշտոնական պատվիրակության անդամներին տեղավորել հյուրանոցում, ապահովել նրանց սնունդը։
Վարչապետը արտակարգ իրավիճակների նախարարին հանձնարարել է ապահովել փրկարար ծառայության շուրջօրյա հերթապահությունը միջոցառման անցկացման վայրում, իսկ Հայաստանի Հանրապետության առողջապահության նախարարին՝ ապահովել միջոցառման անցկացման վայրում հակահամաճարակային կանոնները և սանիտարահիգիենիկ պայմանները, բոլոր մասնակիցների ջերմաչափումը և, ըստ անհրաժեշտության, միջոցառման մասնակիցների, կազմակերպական աշխատանքների մեջ ներգրավված և սպասարկման ոլորտի աշխատակիցների թեստավորումը (ՊՇՌ մեթոդով), շտապ բուժօգնության անձնակազմերի ներկայությունը, բուժկետերի գործունեությունը, ըստ անհրաժեշտության, մասնակիցների բժշկական օգնությունը և սպասարկումը Հայաստանի Հանրապետությունում գտնվելու ընթացքում` համաձայն Հայաստանի Հանրապետության վարչապետի աշխատակազմի և Հայաստանի Հանրապետության արտաքին գործերի նախարարության պետական արարողակարգի ծառայության ներկայացրած հայտի։
Նիկոլ Փաշինյանը Հայաստանի Հանրապետության պետական պահպանության ծառայության պետի պարտականությունները կատարողին հանձնարարել է ապահովել հյուրերի անվտանգությունը Հայաստանի Հանրապետությունում գտնվելու ընթացքում, իսկ ոստիկանապետին՝ ապահովել նիստի անցկացման հետ կապված վայրերում հասարակական կարգի պահպանումը։
Նիստը կկայանա Կարեն Դեմիրճյանի անվան մարզահամերգային համալիրում։
Ավելի վաղ Ռուսաստանի վարչապետ Միխայիլ Միշուստինը Եվրասիական միջկառավարական խորհրդի նիստին մասնակցելու հրավեր է ստացել: ՌԴ կառավարությունից վարչապետի Հայաստան այցի մասին հայտնել են, որ Միշուստինը մեկնելու վերաբերյալ որոշում կընդունի ելնելով համաճարակային իրավիճակից:
Նմանատիպ հոդվածներ
18+. Տեսանյութ՝ Արցախի հյուսիսային ճակատից. Ալեքսանդր Կոտց
Լրագրող Ալեքսանդր Կոտցը թելեգրամյան իր ալիքում մի տեսանյութ է հրապարակել Արցախի հյուսիսային ճակատից է՝ Եղնիկներից:...
ՏԵՍԱՆՅՈՒԹ. Հանրային հեռուստաընկերության հաղորդավարուհին չկարողացավ զսպել լացը` զոհերի մասին խոսելիս
Հանրային հեռուստաընկերության հաղորդավարուհին չկարողացավ զսպել լացը` զոհերի մասին խոսելիս:
Կորոնավիրուսի հետ կապված Հայաստանում կրկին իրավիճակի սրում ունենք. վարչապետ
Կորոնավիրուսի հետ կապված Հայաստանում կրկին իրավիճակի սրում ունենք, այսօր կառավարության նիստում հայտարարեց ՀՀ վարչապետ Նի...
Անկախության 29-ամյակի միջոցառումների համար պետբյուջեից ծախսվել է մոտ 133 մլն դրամ
Հայաստանի անկախության 29-ամյակի միջոցառումների իրականացման համար պետբյուջեից հատկացվել է 133 միլիոն դրամ:Այս մասին տեղեկ...
Ավելին Հասարակություն բաժնից
Ողբերգական դեպք Երևանում․ ուղևորը մահացել է ավտոբուսում, ավտոբուսն էլ բախվել է շտապօգնության մեքենային
Ռազմական ակադեմիայի շրջանավարտներին՝ 41,9 մլն դրամ բնակարան գնելու համար
Կարելի՞ է որդեգրել Հալաբյանում հայտնաբերված նորածնին․ պարզաբանում է նախարարությունը. «Փաստինֆո»
