Ամուլսարում իրավիճակը լարված է. դրանում կա մեկ մեղավոր՝ Նիկոլ Փաշինյան անունով. Վահագն Վարագյան

Նիկոլ Փաշինյանը՝ հավատարիմ իր գործելաոճին միմյանց դեմ է հանում Հայաստանի քաղաքացիներին: Այս մասին Ֆեյսբուքի իր էջում գրել է «Կանաչ ապագա» բնապահպանական հասարակական կազմակերպության նախագահ Վահագն Վարագյանը։

«Ամուլսարի հարցը՝ գիտական, մասնագիտական շրջանակներում լուծելու փոխարեն, Փաշինյանի կառավարությունը Վայոց ձորի մարզի տարբեր համայնքների բնակիչներին թշնամացրել է եւ բաժանել մի քանի խմբերի, որոնցից յուրաքանչյուրը ունի իր տեսակետը հանքի շահագործման վերաբերյալ: Այնինչ այս հարցը զուտ բնապահպանական էր: Ամուլսարում իրավիճակը կրկին լարված է ու դրանում կա մեկ մեղավոր՝ Նիկոլ Փաշինյան անունով»,- նշել է Վահագն Վարագյանը։