Ամուսինն առանց որևէ ավելորդ բան ասելու բժշկից հարցրել է՝ մահվանից առաջ կինը գոնե տեսել է երեխային. մահացած ծննդկանի հարազատներ
Այս րոպեներին հիվանդանոցից դուրս են գրում օրեր առաջ «Շենգավիթի» ԲԿ-ում մահացած Սեդա Ասատրյանի փոքրիկին:
Լրագրողների հետ զրույցում Սեդայի կնքահայր, ամուսնու ընկեր Հովհաննես Հարությունյանը նշեց. «Եթե գիտես, որ նա մի անգամ մահից հազիվ է պրծել, քանի որ անտիբյոտիկի խնդիր ունի, դու այդ մարդուն ընդունում ես իր մոտ, եթե գիտես այդ խնդիրը, լավ բժիշկ ես, եթե գիտես, որ անտիբյոտիկ ես սրսկելու կեսարյան հատման ժամանակ, ինչու մի օր շուտ այդ մարդուն չես կանչում հասկանալու, թե ինչպես ես փրկելու նրան, եթե խնդիր լինի: Մեզ ոչ մի բան չեն ասում, նույնիսկ ամուսինը առանց որևէ ավելորդ բան ասելու եկել է ու բժշկից հարցրել՝ գոնե կինը տեսել է երեխային մահվանից առաջ: Նոր ասել են, որ տեսել է, գրկել է»:
Նա ևս մեկ անգամ հաստատեց, որ իրենց կարծիքով՝ բժշկի սխալի արդյունքում մարդ է մահացել:
