Վանաձորում ոստիկանության 27-ամյա ծառայողը BMW-ով բախվել է ծառին
Երեկ՝ սեպտեմբերի 16-ին, ավտովթար է տեղի ունեցել Լոռու մարզում: Ժամը 22:35-ի սահմաններում Վանաձոր քաղաքի բնակիչ 27-ամյա Ալեքսանդր Հարությունյանը իր վարած BMW մակնիշի ավտոմեքենայով Վանաձոր քաղաքի Թումանյան հրապարակում դուրս է եկել երթեւեկելի հատվածից եւ բախվել մայթեզրի ծառին:
Վթարի հետեւանքով վարորդն ու ուղեւորուհին տեղափոխվել են Վանաձորի բժշկական կենտրոն: Փաստի առթիվ նյութեր են նախապատրաստվում:
Մեր տեղեկություններով՝ վարորդ Ա. Հարությունյանը ծառայում է ոստիկանության Բազումի բաժնում՝ որպես օպերլիազոր:
