«Տատիկիդ չեն գտնում. ընդեղ 4 օրվա դիակ կա, վեկալ, տար». Նաիրա Զոհրաբյան

Միջազգային կազմակերպության հարցումներով, 100 հազար բնակչության հաշվով ունենք 1490 վարակակիր, այսինքն՝ մենք չեմպիոն ենք: Այս մասին քիչ առաջ ԱԺ-ում ասաց ԲՀԿ խմբակցության պատգամավոր Նաիրա Զոհրաբյանը: 

«Նշեցի բազմաթիվ դեպքեր. գյումրեցի տատիկի դեպքը, երբ թոռանն ասել էին՝ դե լավ, տատիկիդ չեն գտնում, ընդեղ 4 օրվա դիակ կա, վեկալ, տար... հարցեր են, որոնց պատասխանները պիտի տրվեն: Կառաջարկեի հանձնաժողովը քննարկեր նաև ոստիկանական գործողությունների համաչափությունն ու իրավաչափությունը, որ մարդը եթե դիմակն իջեցրել է մի փոքր շնչելու համար, տուգանում են»,- նշեց պատգամավորը:

Հիշեցնենք՝ քննարկվում է կորոնավիրուսի դեմ պայքարը քննող ԱԺ հանձնաժողովի կազմը սահմանելու նախագիծը: