ՌԴ մեկնել ցանկացող քաղաքացիները բողոքի ակցիա են անում կառավարության դիմաց

Այսօր Կառավարության դիմաց ՌԴ մեկնել ցանկացող քաղաքացիները բողոքի ակցիա են իրականացնում՝ պահանջելով բացել սահմանները։

Նրանք նաև պահանջում են վարչապետից իջնել և հանդիպել իրենց հետ՝ ներկայացնելով, թե ինչ փուլում են այս պահին ՌԴ-ի հետ բանակցությունները։

«Մենք հանդիպեցինք ԱԳ նախարարի հետ, սակայն իր պատասխանը պատասխան չէր, որը չի ընդունվում. բանակցեք ՌԴ-ի հետ, թող ընդունի։ Նայում ենք կորոնավիրուսի տվյալները բավականին իջել են, որը թույլ է տալիս նաեւ ՀՀ քաղաքացուն մուտք գործել ՌԴ։ Մենք ԵՏՄ անդամ ենք, որն առավելություններ ունի տեղաշարժվելու»,- ասաց ակցիայի մասնակիցներից մեկը։

Նա նաև նշեց, որ պատկան մարմիններն իրենց հստակ պաասխան չեն տվել։ «Ինձ թվում է՝ իրենք ընդամենը չեն բանակցում։ Ու հիմա բոլորին դրդում եք ինքնասպանության»։