Նիկոլ, դու իմ վարչապետը չես. ոստիկանները ցուցարարներին թույլ չտվեցին նստացույց անել կառավարության աստիճաններին

Ժողովուրդ ջան, արձանագրեք, որ մեզ թույլ չեն տալիս հանրային տարածք հանդիսացող աստիճաններին նստել, վարչապետն ինքն է ասել, որ սա ժողովրդի տարածքն է և պատկանում է ժողովրդին: Այս մասին ասաց ՀՀ կառավարության դիմաց բողոքի ակցիա իրականացնող, ակտիվիստ Մանուել  Մանուկյանը: 

Մի շարք քաղաքացիներ բողոքում են  բանկային համակարգի դեմ և , երբ նրանք ցանականում  էին նստացույց իրականացնել կառավարության դիմաց  ոստիկանները ակցիայի մասնակիցներին թույլ չտվեցին նստել աստիճաններին: 
 

«Վարչապետն ինքն է ասել, որ սա ժողովրդի տարածքն է և պատկանում է ժողովրդին»,-ասաց Մանուելը, որի խոսքին ոստիկանության ծառայողը հավելեց, որ  ոչ ոք չփորձի ոստիկանական շղթան անցնել, եթե ցանկանում են նստել, ապա ոստիականական շղթայից հեռու: 

Ակցիայի մասնակիցները նստացույց իրականացրեցին կառավարության դիմաց: 

Մանուել Մանուկյանը կրկին հորդորեց քաղաքացիներին միահամուռ կերպով միանալ նստացույցին. 

«Եթե վարչապետը պետք է մեզ արհամարհի գնա, ապա թող արհամարհի, մնալու ենք այստեղ նստած, սպասելու ենք Նիկոլ Փաշինյանին, եթե փախուստի պիտի դիմի, ապա թող դիմի»,- ասաց նա: 

Ակցիայի մեկ այլ մասնակից, դիմելով Նիկոլ Փաշինյանին ասաց. 

«Փաշինյան Նիկոլ, բանկային համակարգի հետ կապված 5 փաստ էիր ուզում, ներկայացրինք, ապացույցներ էիր ուզում, ներկայացրինք, Փաշինյան Նիկոլ, դու իմ վարչապետը չես, իջիր, հայ ազգը ուզում է խնդիրների լուծում տրվի, հայ ազգն ուզում է դուրս գա երկրից, նույնիսկ ճանապարհները չես բացում, որ գոնե թողնի գնա, այստեղ է մեզ հետ նստած թոշակառու մի կին, ում թոշակի վրա կալանք է դրված, եթե դա ստորություն չի, ապա ինչ է, էս ո՞ւր ենք հասել, որ արդեն թոշակառուների թոշակն են կալանքի տակ դնում»: