Տնտեսագիտական համալսարանում կորոնավիրուսի դեպք է հաստատվել
Հայաստանի պետական տնտեսագիտական համալսարանում կորոնավիրուսի 1 դեպք է գրանցվել։ Այս մասին NEWS.am-ի հետ զրույցում ասել են համալսարանի լրատվության և հասարակայնության հետ կապերի բաժնից։
«Սեպտեմբերի 2-ին առաջին կուրսի մեկ ուսանող ջերմել է, տուն են ուղարկել։ Նա թեստավորվել է և հաստատվել է կորոնավիրուս։ Երեկ՝ սեպտեմբերի 8-ին, նույն կուրսում ևս մեկ ուսանող ջերմություն է ունեցել, և ամբողջ կուրսն ուղարկվել է տուն։ Տվյալ կուրսի դասապրոցեսը հիմա կազմակերպվում է հեռավար տարբերակով։ Դեպքի մասին պատշաճ տեղյակ է պահվել Հիվանդությունների վերահսկման և կանխարգելման ազգային կենտրոնին։ Որևէ դասախոսի մոտ կորոնավիրուսով վարակման դեպք չի հաստատվել»,- փոխանցել են համալսարանից։
