Ես չեմ մեկնաբանում այդ լուրը. խոսնակը՝ Արսեն Թորոսյանի հնարավոր հրաժարականի մասին
Առողջապահության նախարար Արսեն Թորոսյանի ֆեյսբուքյան անձնական եւ պաշտոնական էջերն այլեւս հասանելի չեն։ Սոցիալական ցանցերում լուրեր են շրջանառվում, որ նախարարը հրաժարական է ներկայացրել։ Լուրի իսկությունը ճշտելու համար News.am-ը կապ է հաստատել նախարարի խոսնակ Ալինա Նիկողոսյանի հետ, որը զրույցում ասել է․
«Ես այդ լուրերին չեմ անդրադառնում եւ չեմ մեկնաբանում»։
Կապ հաստատել է հաջողվել նաեւ նախարարի խորհրդական Աշոտ Սարգսյանի հետ, ով նույնպես մեկնաբանություն չի տվել, նշելով, որ Ալինա Նիկողոսյանի ասածից ավել ոչինչ ասել չի կարող։
