Խոշոր ֆաբրիկաներից մեկում 200 նմուշից 50-ը դրական է եղել. Արսեն Թորոսյան

Լոռվա մարզը, հատկապես Վանաձոր քաղաքը, շարունակում է դեպքերով ավելի բարձր լինել, քան հարաբերական մյուս մարզերը և քաղաքները։ Այս մասին այսօր կառավարության նիստի ժամանակ ասաց ԱՆ Արսեն Թորոսյանը։ 

Թորոսյանի խոսքով՝ ակնհայտ է, որ այնտեղ, որտեղ պահպանվում են կանոնները, ունենք լավ արդյունքներ, իսկ որտեղ չեն պահպանվում՝ տասնյակ, որոնք հետո տեղափոխվում են  իրենց տներ. «Այնպես է ստացել, որ տարբեր հաստատոություններից վերցված նմուշներից գրեթե բոլոր տեղերում ունենք զրոյական դրական արդյունք, բացառությամբ տեքստիլի երկու խոշոր ֆաբրիկաներից։ Նրանցից մեկում օրինակ 200 նմուշից 50-ը դրական է եղել՝ ասիմպտոմ։ Դա նշանակում է, որ այդ ֆաբրիկայում պարզապես կանոնները չեն պահպանվում ընդհանրապես և ի տարբերություն ունենք Հայփոստի գրասենյակ, բժշկական կենտրոն, մեկ ուրիշ կարի ֆաբրիկա Վանաձոր քաղաքից դուրս՝ 0 դրական»։

Վարչապետն էլ նշեց, որ այդ երկու տեքստիլ ընկերություններով պետք է տեսչական մարմինները զբաղվեն, քանի որ արդեն խրոնիկական բնույթ է կրում։