Քաղաքականություն

Պուտինն ու Էրդողանը հեռախոսազրույց են ունեցել. քննարկվել է Լիբիայում և Սիրիայում տիրող իրավիճակը

Պուտինն ու Էրդողանը հեռախոսազրույց են ունեցել. քննարկվել է Լիբիայում և Սիրիայում տիրող իրավիճակը
Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ․ երկրու երկրների առաջնորդները քննարկել են Լիբիայում և Սիրիայում տիրող իրավիճակը…

Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ․ երկրու երկրների առաջնորդները քննարկել են Լիբիայում և Սիրիայում տիրող իրավիճակը, հայտնում է «ՌԻԱ Նովոստի» գործակալությունը՝ հղում տալով Կրեմլի մամուլի ծառայությանը։

«Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև հեռախոսազրույց է տեղի ունեցել, որի ընթացքում առանձնահատուկ ուշադրություն է հրավիրվել լիբիական ճգնաժամի խնդրի վրա։ Կրկին ընդգծվել է Բեռլինյան համաժողովի և ՄԱԿ-ի Անվտանգության խորհրդի 2510 բանաձևի համաձայն՝ հակամարտող կողմերի միջև ուղիղ բանակցությունների և կրակի դադարեցման համար իրական քայլերի ձեռնարկման անհրաժեշտությունը»,- ասվում է հաղորդագրության մեջ։ 

Բացի այդ, նախագահները քննարկել են Սիրիայում տիրող իրավիճակը՝ շեշտելով ահաբեկչության դեմ պայքարում համատեղ ջանքերի ներդրումն ակտիվացնելու անհրաժեշտությունը։ Առաջնորդները պայմանավորվել են Իդլիբի դեէսկալացիոն գոտու վերաբերյալ ռուս-թուրքական պայմանավորվածությունների կատարման շրջանակում հետագա համակարգման շուրջ։  

Նախագահները նաև միջազգային արդի այլ հարցեր են քննարկել։ 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7607) Միջազգային (3373) ԱՄՆ (2307) Ռուսաստան (2127) Իրան (1752) Ընտրություններ (1274) Ուկրաինա (837) Երևան (803) Իսրայել (761) Ադրբեջան (633) Փաշինյան (564) Եվրոպա (512) Ընդդիմություն (447) Ազգային ժողով (441) Թրամփ (433)

Radio Aurora

Լսել Radio Aurora

Գովազդային տարածք

300x250