ԱՄՆ նախագահ Դոնալդ Թրամփն օգնականներին հայտնել է, որ նախքան նոյեմբերյան ընտրությունները կցանկանար անձամբ հանդիպել ՌԴ նախագահ Վլադիմիր Պուտինի հետ։ Այս մասին հաղորդում է NBC News-ը։

Հեռուստաալիքի զրուցակցի խոսքերով՝ նախագահի վարչակազմում գագաթնաժողովի անցկացման մի քանի տարբերակ է քննարկվում, այդ թվում՝ սեպտեմբերին Նյու Յորքում անցկացնելու տարբերակը։

Սպիտակ տնից նշում են, որ գագաթնաժողովի գլխավոր նպատակը կլինի հայտարարությունը Միջուկային զենքի վերահսկման համաձայնագրի շուրջ առաջընթացի մասին: