Խումբը հայ-վրացական սահմանը հատել է ամիսներ առաջ. ԱԳՆ-ից պարզաբանում են
Քիչ առաջ հայտնել էինք, որ վրացական լրատվականները տեղեկություն են տարածել, թե 4 հոգանոց խումբ է ապօրինաբար հատել հա-վրացական սահմանը: Auroranews-ը մանրամասներ պարզելու նպատակով կապ հաստատեց ԱԳՆ մամուլի խոսնակ Աննա Նաղդալյանի հետ:
Տիկին Նաղդալյանից մասնավորապես հետաքրքրվեցինք, թե լուրը որքանով է հավաստի և արդյոք սահմանը հատած մարդիկ ՀՀ քաղաքացիներ և ազգությամբ հայեր են:
«Մեր տեղեկություններով` դեպքը տեղի է ունեցել մի քանի ամսի առաջ: Զարմանալի է, թե վրացական լրատվականները ինչու են լուրը կրկին տարածում: Այնուամենայնիվ նշեմ, որ ամիսներ առաջ ոչ օրինական կերպով հայ-վրացական սահմանը հատած մարդիկ ազգությամբ հայեր չեն և չեն հանդիսանում ՀՀ քաղաքացի» ,- նշեց արտգործնոխարարության մամուլի խոսնակը:
