ՀՀ վարչապետ Նիկոլ Փաշինյանը BBC-ի HARDtalk նախագծի շրջանակներումտված հարցազրույցի ժամանակ անդրադարձել է կոռուպցայի դեմ պայքարին, Ադրբեջանին մեղադրել է սահմանային իրավիճակի լարման մեջ, ինչպես նաեւ բացատրել, թե ինչու դիմակ չի կրել այն ժամանակ, երբ Հայաստանի քաղաքացիներից  պահանջում էր, որ պարտադիր դիմակ կրեն: Փաշինյանի եւ նախագծի հաղորդավար Ստիվեն Սակուրի հարցազրույցը տեղի է ունեցել տեսակապի միջոցով: 

ՀՀ վարչապետը չի համաձայնվել մտքի հետ, թե կառավարության ջանքները կորոնավիրուսի դեմ պայքարի ընթացքում անարդյուքն են եղել: «Դեռ վաղ է գնահատականներ հնչեցնել, մասնավորապես համամատություն անել Վրաստանի հետ, որ այնտեղ կորոնավիրուսի դեպքեր ավելի քիչ են գրանցվել»,- ասել է նա: 

 Հարցին, թե ինչու դիմակ չի կրել հայտնի հավաքույթի ժամանակ, երբ Հայաստանում կորոնավիրուսի պիկ էր և ժողովրդին ստիպում էին դիմակ կրել` Փաշինյանը պատասխանել է, որ իրենք պահպանել են այն օրենքները որոնք այդ պահին գործել են Լեռնային Ղարաբաղում: 

Ինչ վերաբերում է  հայ-ադրբեջանական սահմանին տեղի ունեցած հուլիսյան մարտերին, ապա ՀՀ վարչապետը հայտնել է, որ իրավիճակը սրել է Ադրբեջանը, հենց նա է նախաձեռնել հարձակում սահմանի ողջ երկայնքով, եւ կոչ արել միջազգային հանրությանը նման դեպքերից ժամանակ լսել երկու կողմի կարծիքները: «Այդ պատճառով հարկավոր է երկու երկների սահմանագծին մոնիտորնինգի համակարգ ներդնել»,- նշել է վարչապետը: 

Ստիվեն Սակուրի հարցին, թե պատրաստ է Փաշինյանը ներողություն խնդրել 1992թ-ին Խոջալույի դեպքերի համար`վարչապետը պատասխանել է, որ այդ դեպքրի համար պատասխանատու է Ադրբեջանի ընդդիմությունը: 

Անդրադառնալով հարցին` Ռուսաստան, թե ՆԱՏՕ-Եվրամիություն, Նիկոլ Փաշինյանը ընդգծել է, որ Հայաստանը շարունակում է մնալ Մոսկվայի ռազմավարական նշանակության գործընկերը եւ միեւնույն ժամանակ համագործակցում թե ՆԱՏՕ-ի թե Եվրամիության հետ: