Թուրքիան լիցենզիա կտրամադրի Արեւելյան Միջերկրածովում հետախուզության եւ գազի հորատման համար
Թուրքիան լիցենզիա կտրամադրի Արեւելյան Միջերկրածովում հետախուզության եւ գազի հորատման համար: Այս մասին հայտարարել է Թուրքիայի արտաքին գործերի նախարար Մեւլյութ Չավուշօղլուն: Այդ քայլն էլ ավելի կուժգնացնի Հունաստանի հետ հարաբերությունները, հաղորդում է Reuters-ը:
Նախօրեին Թուրքիան հետախուզական նավ է ուղարկել Հունաստանի եւ Կիպրոսի ափերի մոտ: Անկարայում հայտարարել են, որ ծովային համաձայնագիրը, որնա անցած շաբաթ ստորագրվեց Հունաստանի եւ Եգիպտոսի միջեւ, ցույց է տալիս, որ չի կարելի վստահել Աթենքին:
Չավուշօղլուի խոսքով՝ Oruc Reis հետախուզական նավը կշարունակի աշխատանքը, իսկ Անկարան մինչեւ օգոստոսի վերջ լիցենզիա կտրամադրի Արեւելյան Միջերկրածովում հետախուզության եւ գազի հորատման համար:
«Մեր վճռականությունն անսասան է: Մենք այդ հարցում որեւէ փոխզիջման չենք դիմի»,-ասել է Չավուշօղլուն:
Հունաստանում հայտարարել են, որ ԵՄ արտաքին գործերի հարցով Խորհրդի նիստ կհրավիրվի:
ԵՄ-ն երկխոսության կոչ է արել: «Վերջին իրադարձություններն անհանգստություն են առաջացնում»,-ասել է արտաքին գործերի հարցով եվրահանձնաժողովի ներկայացուցիչ Պիտեր Ստանոն:
Թուրքիայի նախագահ Իբրահիմ Քալընը հայտնել է, որ Թուրքիայի եւ Հունաստանի միջեւ երկամսյա բանակցությունները հանգեցրել են փոխըմբռնման, սակայն այն խախտվել է Հունաստանի եւ Եգիպտոսի միջեւ կնքված գործարքի պատճառով:
