Հանրապետության հրապարակում տեղի ունեցավ մոմավառություն է՝ ի հիշատակ Բեյրութում տեղի ունեցած պայթյունի զոհերի
Երեկ Բեյրութի նավահանգստում պայթյուն է տեղի ունեցլ, որի հետևանքով հազարավոր մարդիկ տուժել են, մի քանի տասնյակ զոհ կա:
Ինչ վերաբերում է հայ համայնքին, ապա ՀՀ ԱԳՆ-ն հայտնում է, որ Բեյրությում տեղի ունեցած պայթյունի հետևանքով հայազգի մահացածների թիվն այս պահի դրությամբ վեցն է։
ԱԳՆ-ում ձևավորվել է աշխատանքային խումբ՝ Լիբանանին թիրախային աջակցության տրամադրումն Լիբանանի ճգնաժամային կառույցի հետ համակարգելու նպատակով։ Լիբանանում ՀՀ դեսպանությունը մշտական կապի մեջ է տեղի պատկան մարմինների հետ՝ միասնաբար գնահատելու լիբանանյան կողմի կարիքները և աջակցության շրջանակը։
Զուգահեռաբար կապ է պահպանվում հայ համայնքային կառույցների հետ՝ կարիքները գնահատելու նպատակով։
Լիբանանի ՆԳՆ-ն նշել է պայթյունի պատճառը, համաձայն որի՝
Բեյրութի նավահանգստում պայթյունավտանգ ամոնիումի նիտրատ (ամոնիումային սելիտրա) է բռնկվել:
Ալ-Մայադին հեռուստաալիքը տեղեկացնում է, որ ուժային կառույցներից հայտնել են, որ պայթել է դեռևս 9 տարի առաջ նավերից մեկից առգրավված մաքսանենգ ապրանքը, որն իրենից պայթուցիկ նյութ էր ներկայացնում: Այդ բեռն այս տարիների ընթացքում պահվել է նավահանգստի պահեստում՝ հետագա վերամշակման կամ ոչնչացման համար:
Նշվում է, որ դեռևս 4 ամիս առաջ հաշվետվություն էր կազմվել ծովային նավահանգստում նման բեռի պահման վտանգի մասին:
