Բեյրութում տեղի ունեցած պայթյունի հետևանքով զոհվել է «Քաթայիբ» կուսակցության առաջնորդ Նիզար Նաջարյանը

Բեյրութի նավահանգստում երեքշաբթի տեղի ունեցած պայթյունի հետևանքով մահացել է լիբանանյան «Քաթայիբ» կուսակցության գլխավոր քարտուղար Նիզար Նաջարյանը:

Այս մասին հայտնում է ТАСС գործակալությունը՝ հղում անելով «Ալ-Արաբիա» հեռոստաալիքին: Ավելի վաղ հեռուստաալիքը տեղեկացրել էր, որ Նաջարյանը լուրջ վիրավորում է ստացել և գտնվում է ծանր վիճակում՝ առանց գիտակցության:

Հիշեցնենք, որ հզոր պայթյուն է տեղի ունեցել Լիբանանի մայրաքաղաքի ծովային նավահանգստում՝ ռազմածովային ուժերի բազայի հարևանությամբ: Ավելի վաղ հաղորդվում էր առնվազն 10 զոհի և հարյուրավոր վիրավորների մասին:

Երկրի առողջապահության նախարարությունից հայտնել են, որ Բեյրութի հիվանդանոցները լեփ-լեցուն են վիրավորներով: