Մամուլից եմ տեղեկացել, որ Երվանդ Խունդկարյանն է ՍԴ դատավորի թեկնածուն. Մխիթար Պապոյան

Ես ինքս էլ եմ մամուլից տեղեկացել, որ Երվանդ Խունդկարյանն է ՍԴ դատավորի թեկնածուն: Այս մասին, այսօր՝ հուլիսի 31-ին, Դատավորների ընդհանուր ժողովից առաջ լրագրողների հետ զրույցում նշեց Վերաքննիչ դատարանի դատավոր Մխիթար Պապոյանը: Այս մասին փոխանցում է News.am-ը: 

«Գաղտնի քվեարկություն է, ես չեմ ցանկանա մինչ այդ իմ կարծիքն արտահայտել, դա նաեւ քարոզարշավ կնշանակի»,-ասաց նա:

Նշենք, որ Կարեն Դեմիրճյանի անվան մարզահամերգային համալիրում ընթանում է ՀՀ դատավորների հերթական ընդհանուր ժողովը, որը պետք է կայանար դեռևս մարտի 13-ին, սակայն համավարակով պայմանավորված հետաձգվել էր։

Ընդհանուր ժողովի օրակարգը բավականին հագեցած է. դատավորները պետք է կատարեն Սահմանադրական դատարանի դատավորի թեկնածուի, Բարձրագույն դատական խորհրդի դատավոր անդամի, ինչպես նաև դատավորների գործունեության գնահատման և Ուսումնական հարցերի հանձնաժողովների դատավոր չհանդիսացող անդամների թեկնածուների ընտրություն։