Ավտովթար Լոռու մարզում. 35-ամյա վարորդը Lexus-ով հայտնվել է ձորում եղած սելավատարում
Այսօր, հուլիսի 28-ին, խոշոր ավտովթար է տեղի ունեցել Լոռու մարզում։ Ժամը 16։10-ի սահմաններում Երևանի բնակիչ՝ 35-ամյա Արամ Խ․-ն իր վարած Lexus LX 570 մակնիշի ավտոմեքենայով Վանաձոր-Դիլիջան ավտոճանապարհի 10-րդ կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց, ընկել ձորը և հայտնվել սելավատարում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Արամ Խ․-ն ուղևորներ՝ Երևանի բնակիչներ՝ 28-ամյա Գ․ Ալեքսանյանը և 40-ամյա Ռ․ Նազարյանը քաղաքացիների օգնությամբ դուրս են բերվել ավտոմեքենայից և տեղափոխվել «Վանաձոր» բժշկական կենտրոն։
