Թուրքիայում ավտովթարի հետևանքով վիրավոր զինծառայողների թիվը հասել է 27-ի
Թուրքիայի Մերսին նահանգում տեղի ունեցած ավտովթարի հետևանքով վիրավոր զինծառայողների թիվը հասել է 27-ի, վթարի պատճառը կարող էր լինել ավտոբուսի արգելակների խափանումը, հայտարարել է Թուրքիայի պաշտպանության նախարար Հուլուսի Աքարը:
Ավելի վաղ հայտնել էինք, որ առնվազն վեց մարդ, որոնցից հինգը՝ զինվորական, զոհվել է, իսկ տասը ծանր վնասվածքներ է ստացել վթարի հետևանքով:
«Նախնական տվյալներով՝ արգելակները չեն աշխատել: Տեղեկություններ կան այն մասին, որ վարորդը արել է այն ամենը, ինչ կարող էր այդ իրավիճակում: Վիրավորվել է 27 զինվորական, 4-ը գտնվում է վերակենդանացման բաժանմունքում»,- լրագրողների հետ զրույցում հայտարարել է Աքարը։
