Թուրքիայի Մերսինի նահանգի Մութ քաղաքի մոտակայքում զինծառայողներ տեղափոխող ավտոբուս է կողաշրջվել, ինչի հետևանքով ավտոբուսի վարորդն ու 5 զինծառայող մահացել են, ևս 10 զինծառայող ստացել է տարբեր աստիճանի մարմնական վնասվածքներ և տեղափոխվել Մութի հիվանդանոց:

 Այս մասին տեղեկացնում է haberler.com կայքը` հղում տալով Մերսինի նահանգապետարանին:

Նահանգապետարանից տեղեկացրել են, որ վթարը տեղի է ունեցել Մութ-Քարաման ավտոճանապարհին, վթարի պատճառները դեռևս հայտնի չեն:

Տեղում աշխատանքները շարունակվում են:

Ավտոբուսի կողաշրջվելուց հետո դեպքի վայր են ժամանել Թուրքիայի պաշտպանության նախարար Հուլուսի Աքարը և երկրի ցամաքային զորքերի գլխավոր հրամանատար, գեներալ Ումիթ Դյունդարը: