«Հենա, ինչ ուզում՝ անում եք, միամիտի տե՞ղ եք մեզ դրել». լարված իրավիճակ՝ կրթահամալիրի տարածքում

Այսօր՝ հուլիսի 27-ին կրկին լարված իրավիճակ է ստեղծվել «Մխիթար Սեբաստացի» կրթահամալիրի և թիվ 93 մանկապարտեզի հարակից տարածքում:

Հիշեցնենք, որ դեռևս 2019-ի դեկտեմբերից կրթահամալիրի տնօրենը և աշխատակիցները դեմ են արտահայտվել, որ կրթահամալիրի և մանկապարտեզի միջակայքում ցանկապատի շինարարությունն իրականացվի:

«Այժմ դրվում են ճաղավանդակներ, անիմաստ, ընդ որում՝ չգործով մանկապարտեզի համար»,- ուղիղ եթերի ժամանակ ասել է կրթահամալիրի տնօրեն Աշոտ Բլեյանը:

Ըստ նրա հաղորդած տեղեկությունների՝ նախատեսվում է կառուցել «հումանիտար միջանցք», որով տարածքի բնակիչները, կրթահամալաիրի սաներն ու աշխատակիցները հնարավորություն կունենան տեղաշարժվելու:

Աշոտ Բլեյանը միջամտեց տարածքում իրականացվող աշխատաքներին: Ի պաստախան հայտնեցին, որ կարող են հարցը քննարկել, միասին լուծումներ գտնել:

«Հենա, ինչ ուզում՝ անում եք, միամիտի տե՞ղ եք մեզ դրել»,- պատասխանեց Բլեյանը: