Բուհ չընդունված ակցիայի մասնակիցներից 2 հոգի բերման է ենթարկվել ոստիկանություն

Բուհ չընդունված ակցիայի մասնակիցներից 2 հոգի բերման է ենթարկվել Ոստիկանություն։ Դիմորդները նստել էին նախարարության հարակից փողոցում՝ փակելով ճանապարհը:

Այժմ բուհ չընդունված դիմորդներն ու նրանց ծնողներն այս պահին կրթության, գիտության, մշակույթի և սպորտի նախարարության մոտից շարժվում են ոստիկանության Կենտրոնականի բաժին։

Մարդու իրավունքների պաշտպանի հանձնարարությամբ արագ արձագանքման խումբ է մեկնել Ոստիկանության բաժին՝ բարձրագույն ուսումնական հաստատություններ ընդունելության հետ կապված բողոքի ակցիա իրականացնող անձանց բերման ենթարկելու առնչությամբ:

Տեղի կունենան առանձնազրույցներ բերման ենթարկված քաղաքացիների հետ և կուսումնասիրվեն նրանց բերման ենթարկելու հիմքերը, իրավունքների ապահովման վիճակը։