Հայաստանում Covid-19-ից ևս 5 մարդ է մահացել.ամենաերիտասարդը 63 տարեկան կին է

Հայաստանում կորոնավիրուսից վարակվածներից 5–ը մահացել են։ Տեղեկությունը հայտնում է ՀՀ առողջապահության նախարարությունը:

«Մահվան դեպքերի վերաբերյալ հայտնում ենք, որ պացիենտները եղել են 63 (կին), 65 (կին), 67 (տղամարդ), 86 (տղամարդ) և 77 (կին) 

տարեկան։ Բոլորն ունեցել են ուղեկցող խրոնիկական հիվանդություններ»,– նշված է հաղորդագրության մեջ։

Նախորդ օրը չի արձանագրվել  մահվան  դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 220 է:

Այսպիսով` ունենք կորոնավիրուսային հիվանդությամբ հաստատված 321 նոր դեպք և 235 առողջացած։