Բրիտանացի գիտնականները հայտնել են, որ դեքսամետազոն դեղամիջոցը կորոնավիրուսի բուժմանը կարող է նպաստել
Բրիտանացի գիտնականները նշում են, որ էժան և մատչելի դեքսամետազոնը կարող է օգնել փրկել բազմաթիվ ծանր հիվանդների կյանքը, որոնց մոտ կորոնավիրուս է ախտորոշվել: Ըստ հետազոտողների, դեքսամետազոնի ընդգրկումը բուժմանը 33% -ով նվազեցնում է մահվան ռիսկը հիվանդների մոտ: Այս մասսին գրում է forbes.ru-ն։
Ըստ հետազոտողների, եթե դեքսամետազոնը «ծանր» հիվանդների բուժման ժամանակ օգտագործվեր համաճարակի առաջին իսկ օրվանից Բրիտանիայում կարող էին փրկել մինչև 5 հազար մարդու կյանք:
Դեղը էժան է, ուստի դրա արդյունավետությունը կորոնավիրուսով հիվանդների կյանքի համար պայքարում հատկապես կարևոր է աղքատ երկրների համար, որոնք ունեն մեծ թվով մահվան դեպքեր: Դեքսամետազոնը ստերոիդ է, որը օգտագործվել է անցյալ դարի 60-ականներից ի վեր որպես հակաբորբոքային միջոց: Առողջապահության համաշխարհային կազմակերպությունը նշում է, որ դրա դրական ազդեցությունը նկատելի է միայն կորոնավիրուսով վարակված ծանր հիվանդների մոտ:
