22 հազար 150 առաջին դասարանցի հայտագրվել է առցանց համակարգով

Հանրապետության բոլոր այն համայնքներում, որտեղ կա 1 և ավելի դպրոց, առաջին դասարանցիների ընդունելությունն իրականացվում է էլեկտրոնային համակարգի միջոցով հայտագրվել է 22 հազար 150 երեխա։ Այդ մասին հայտարարել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը։

«Այս տարի մենք կանխատեսում ենք ունենալ շուրջ 40 հազար առաջին դասարանցի։ Հայտագրման առցանց համակարգով առաջին դասարանցիների ընդունելություն է իրականացվում շուրջ 25-27 հազար երեխայի համար։ Սրանք այն երեխաներն են, որոնք բնակվում են այն համայնքներում, որտեղ կա 1-ից ավելի դպրոց։ Այս պահին արդեն հայտագրվել է 22 հազար 150 առաջին դասարանցի»,- ասել է Փոխնախարարը և հավելել, որ հունիսի 1-10-ը առցանց հայտագրման հնարավորություն է ունեցել այս խմբի 9247 երեխա: