ԱՄՆ-ում տղամարդը իր 2 երեխաների մոռացել է մեքենայի մեջ, նրանց մահացած են գտել
Երկու փոքր երեխա մահացել է ամերիկյան Տալսա քաղաքում (Օկլահոմա նահանգ), այն բանից հետո, երբ հայրը նրանց 5 ժամով թողել է մեքենայում փակված, ոստիկանությունը ձերբակալել է տղամարդուն, հայտնում է Fox23- ը՝ վկայակոչելով իրավապահ մարմինների զեկույցը:
Ինչպես ոստիկանությանը հայտնել է 31-ամյա Դաստին Լի Դենիսը, շաբաթ օրը կեսօրին երեխաների հետ գնացել է խանութ, այնուհետև վերադարձել է տուն և պառկել քնելու: Մոտ հինգ ժամ հետո արթնանալով՝ տղամարդը հասկացել է, որ չի կարողանում երեխաներին գտնել: Ավելի ուշ նա իր 4 տարեկան դստերը և 3 տարեկան որդուն գտել է պիկապի հատակին և նրանց տեղափոխել տուն: Ժամանած բժիշկներն արձանագրել են, որ երեխաները մահացել են: Նրանց մահվան պատճառը դեռ չի հստակեցվել:
«Երեխաներին չեն ստուգել գրեթե հինգ ժամ մեքենայի մեջ գտնվելու ընթացքում»,- ասել են ոստիկանությունից: Տղամարդուն մեղադրել են երկրորդ կարգի սպանության մեջ: Այժմ նա գտնվում է կալանքի տակ:
Տեղի օդերևութաբանները հայտնում են, որ այդ օրը քաղաքում օդի ջերմաստիճանը գերազանցել է 30 աստիճանը:
