ՈՒՂԻՂ. Ֆլորիդայում մեկնարկել է Falcon 9 տանող հրթիռի արձակումը
Ֆլորիդայում մեկնարկել է Falcon 9 տանող հրթիռի արձակումը՝ Starlink-ի 58 ինտերնետ-արբանյակներից կազմված խմբով: Արձակման ուղիղ հեռարձակումը կատարում է SpaceX ընկերությունը: Հրթիռի մեկնարկը տրվել է ԱՄՆ Արեւելյան ափի ժամանակով 5.21-ին Կանավերալ հրվանդանի տիեզերակայանից, հայտնում է «ՌԻԱ Նովոստի»-ն: Սա Starlink-ի արբանյակների 9-րդ խմբաքանակն է, որ ուղեծիր է դուրս բերվում, եւ երրորդ թռիչքը Falcon 9-ի առաջին աստիճանի համար, որն արձակումից կարճ ժամանակ անց պետք է կրկին վայրէջք կատարի Ատլանտյան օվկիանոսում լողացող բեռնանավի վրա: Ըստ SpaceX-ի տեխնոլոգիայի՝ մեկնարկից հետո գրեթե 26 րոպե անց արբանյակները հասցվելու են մինչեւ 367 կմ բարձրությամբ միջանկյալ ուղեծիր:
