Աշխարհում ամենամեծ ռադիոհեռադիտակը կկառուցվի Ավստրալիայում

Square Kilometer Array խոշորագույն ռադիոհեռադիտակի կառուցման աշխատանքները կմեկնարկեն 2021 թվականին: Արեւմտյան Ավստրալիայում եւ ամբողջ աշխարհում երկար սխասված նախագծի՝ պաշտոնական շահագործումը նախատեսված է 2027 թվականին, գրում է Naked-Science-ը:

Արեւմտյան Ավստրալիայում յոթ տարի շարունակ կատարված աշխատանքների արդյունքում ավարտվել է աշխարհում խոշորագույն ռադիոհեռադիտակի՝ Square Kilometer Array-ի (SKA) նախագծումն ու մեկնարկել են կառուցման աշխատանքները: Ավստրալիայում՝ Պերտ քաղաքից 800 կմ հեռավորության վրա, կտեղադրվեն 130 հազար առանձին ռադիոհավաքներ ավելի քան մեկ միլիոն քառակուսի մետր մակերեսի վրա, որոնք համատեղ կաշխատեն MeerKAT ռադիոհեռադիտակի հետ, որը տեղակայված է Հարավաֆրիկյան Հանրապետությունում: SKA-ն միջազգային նախագիծ է, որում մասնակցում է 14 երկիր:

«Մեր բյուջեն կազմում է 1.87 միլիարդ եվրո առաջին հինգ տարիների համար: Վերջին յոթ տարիների համար իմ թիմը ստացել է ավելի քան 10 միլիոն դոլարի աջակցություն այդ նշաձողին հասնելու համար, եւ այդ միջոցների զգալի մասը թույլ է տվել Արեւմտյան Ավստրալիային պատրաստվել SKA-ի կառուցմանը»,-պատմել է պրոֆեսոր Սթիվեն Թինգեյը:

Ադապտատիվ ալեհավաքային ցանցը, որը պետք է հետազոտի երկնային մարմինները, կդառնա աշխարհում խոշորագույն գիտական կենտրոնը, որն ուսումնասիրում է Տիեզերքի պատմությունն ու էվոլյուցիան Մեծ պայթյունից ընդամենը մի քանի միլիոն տարի անց. այն բացահայտում է նաեւ ֆիզիկայում հսկայական հաջողություններն ու առաջընթացը:  SKA-ն կարող է հայտնաբերել չափազանց թույլ արերկրյա ազդանշանները՝ զգալիորեն ընդլայնելով նախորդ նախագծերի հնարավորությունները:

SKA-ն նաեւ մեծ դեր կխաղա Covid-19 համավարակից հետո Արեւմտյան Ավստրալիայի վերականգնման գործում: