Արարատի մարզում այս պահի դրությամբ ունենք 17 մահ. մարզպետ
Այս պահին Արարատի մարզում ունենք 17 մահ, 1165 վարակված, որոնցից առողջացել է 474-ը: Այս մասին այսօր ԱԺ-ում լրագրողների հետ զրույցում նշեց Արարատի մարզպետ Գարիկ Սարգսյանը:
«Մյուսները կամ ամբուլատոր բուժում են ստանում, կամ հիվանդանոցային: Նոր կարգավորումներով մեր ամբուլատորիաներն են զբաղվում թեթեւ հիվանդներով, իսկ բարդ դեպքերը բուժ-ում են ստանում վերապրոֆիլավորված կամ ինֆեկցիոն բուժկենտրոններում:
Արտաշատի ԲԿ-ն վերապրոֆիլավորվել է որպես ինֆեկցիոն հիվանդանոց, Երկու օր է, որ Վեդիի ԲԿ-ն նույնպես որպես ինֆեկցիոն հիվանդանոց է գործում: Արտաշատի ԲԿ-ն թվով 125 հիվանդներով կարող է զբաղվել, իսկ Վեդիի ԲԿ-ն՝ 100-ով»,-ասաց նա:
