Ովքե՞ր կարող են կորոնավիրուսի տարածման պատճառով հայտարարված արտակարգ դրության ընթացքում մուտք գործել և լքել ՀՀ տարածքը
Արտակարգ դրության ընթացում Քաղաքացիական ավիացիայի կոմիտեի կողմից հաճախ է տեղեկություն հրապարակվում այն մասին, որ ՀՀ են ժամանում և մեկնում հատուկ չվերթներ։
Auroranews-ը բազմաթիվ զանգեր է ստանում, թե արդյո՞ք թռիչքների իրականացումը նշանակում է, որ յուրաքանչյուր երկրի քաղաքացի՝ այդ թվում ՀՀ քաղաքացիները, կարող են ժամանել Հայաստան ու մեկնել Հայաստանից:
Քաղաքացիական ավիացիայի կոմիտեից հայտնեցին, որ իրենց գործառույթը թռիչքների մուտքի ու ելքի մասին հրապարակումներն իրականացնելն է, սակայն, թե ովքեր կարող են ժամանել կամ մեկնել ՀՀ-ից դա իրենց գործառույթը չէ և ուղղորդեցին հարցով դիմել ԱԳՆ և Պարետատուն, քանի որ այս կառույցներն զբաղվում այս հարցով։
ԱԳՆ խոսնակ Աննա Նաղդալյանը հայտնեց, որ խնդիրը կարգավորման հարցը ԱԳՆ-ի և Պարետատան շրջանակներում է։
«Յուրաքանչյուր անձ, ով չի հանդիսանում Հայաստանի Հանրապետության քաղաքացի կամ ՀՀ քաղաքացու ընտանիքի անդամ, ինչպես նաև չունի ՀՀ տարածքում օրինական հիմքով բնակվելու իրավունք, արգելվում է ՀՀ սահմանային անցակետերով մուտք գործել երկրի տարածք՝ արտակարգ դրության ողջ ժամանակահատվածում: Բացառություն են կազմում օտարերկրյա պետությունների դիվանագիտական ներկայացուցիչները, հյուպատոսական հիմնարկների և միջազգային կազմակերպությունների ներկայացուցիչները և նրանց ընտանիքի անդամները, ինչպես նաև Պարետի որոշումներով մուտքի իրավունք ունեցող կամ նրա կողմից առանձնահատուկ դեպքերում թույլտվություն ստացած անձինք: Նույնը վերաբերում է հակառակ գործընթացին, այս դեպքում օտարերկրացի քաղաքացիներին, ովքեր դեսպանատներին դիմելով պետք է պարետատան հետ մեկտեղ թույլտվության դեպքում վերադառնան իրենց բնակության վայր»-մեզ հետ զրույցում հստակեցրեց Աննա նաղդալյանը:
