ՊԵԿ-ում շոու բիզնեսի ընդամենը 2 ներկայացուցչի վերաբերյալ է քրեական գործ հարուցված

ՀՀ ՊԵԿ քննչական վարչության վարությում քննվում է կատարողական արվեստի բնագավառում գործունեություն իրականացնողների վերաբերյալ թվով 2 քրեական գործ, որոնց մասով նախաքննությունը շարունակվում է: Այս մասին Tert.am-ի հարցմանն ի պատասխան՝ հայտնել են ՊԵԿ-ից:

Հիշեցնենք, որ ՊԵԿ-ը շոուբիզնեսի ներկայացուցիչներից հարկային դաշտ մտնելու հորդորներ սկսել էր անել դեռևս 2018 թ․: 2018 թ. սեպտեմբերին, ՊԵԿ–ը հայտարարել էր, որ Հայաստանում բավական բարձր վարձատրվող երգիչները տասնամյակներ շարունակ հարկային հայտարարագրեր չեն ներկայացրել, հարկեր չեն վճարել, և հայտարարագրեր ներկայացնելու վերջնաժամկետ էր սահմանվել 2018 թ․ սեպտեմբերի վերջը։

2018 թ. դեկտեմբերին, սակայն, ՊԵԿ-ը կրկին հանդես եկավ հարկային դաշտ մտնելու հորդորով:

«ՊԵԿ-ը, հաշվի առնելով հարկային մարմին-հարկ վճարող գործընկերային հարաբերությունները, ևս մեկ անգամ հորդորում է շոու բիզնեսի ոլորտում ձեռնարկատիրությամբ զբաղվողներին` երգիչներին, երաժիշտներին, հանդիսավարներին և նմանատիպ այլ գործունեություն իրականացնող անձանց, ստանալ պետական գրանցում կամ հաշվառվել հարկային մարմնում, բարեխղճորեն ինքնահայտարարագրել սեփական եկամուտները և վճարել հարկերը` Հարկային օրենսգրքով սահմանված կարգով:
2019 թ․ դեկտեմբերի տվյալներով՝ շոու բիզնեսի ներկայացուիցչներից իրենց եկամուտները հայտարարագրել էին միայն 10-ը:

Մանրամասները՝ սկզբնաղբյուր կայքում։