Opel-ը Սիլիկյան թաղամասից դեպի գերեզմաններ տանող ճանապարհին բախվել է գերեզմանի պատվանդանին
Երեւանում այսօր՝ մայիսի 22-ին, ժամը 18։00-ի սահմաններում Opel մակնիշի ավտոմեքենայի վարորդը Սիլիկյան թաղամասից դեպի գերեզմաններ տանող ճանապարհահատվածում, դեռեւս անհայտ հանգամանքներում, դուրս է եկել ճանապարհի երթեւեկելի գոտուց, բախվել գերեզմանի պատվանդանին: Այս մասին հաղորդում է Shamshyan.com-ը։
Վթարի հետեւանքով 4 հոգի մարմնական վնասվածքներով օպերատիվորեն դեպքի վայր ժամանած Երեւանի 1-03 շտապօգնության բժիշկների կողմից նախ տեղում առաջին բուժօգնությունն են ստացել, ապա տեղափոխվել «Աստղիկ» բժշկական կենտրոն:
Ոստիկանությունը պարզում է վարորդի եւ վիրավորների ինքնությունը:
