Արսեն Թորոսյանը բացատրել է՝ ինչ է բժշկական սորտավորումը

«Բժշկական տեսակավորում, նույնն ինքը՝ սորտավորում կամ տրիաժ»,- ֆեսբուքյան իր էջում գրել է ԱՆ Արսեն Թորոսյանը՝ կիսվելով «Վիքիպեդիա»-ի համապատասխան նյութերը:

Ավելի վաղ հայտնել էինք, որ Հանրային խորհրդի անդամների հետ հանդիպման ժամանակ, պատասխանելով Դանիել Իոաննիսյանի հարցին, Առողջապահության նախարար Արսեն Թորոսյանն ասել է․ «Խորը սորտավորման հնարավոր է գնանք։ Խորը սորտավորում պատերազմի ժամանակ է նաև արվում, երբ էն պացիենտներին են հիմնականում վերցնում բուժման, որոնք շանս ունեն փրկվելու ու հակառակը։ Եվ չի բացառվում, որ նույնիսկ էս տեմպի պահպանման ժամանակ մենք մոտ օրերս, չգիտեմ, դրան գնանք, բայց ամեն ինչ անում ենք, որ դրան չգնանք, օրինակ՝ նոր մահճակալներ ենք ծավալում և այլն»։