Ոստիկանության 6-րդ վարչության շենքի դիմաց հավաքված «Ադեկվադ» միաբանության անդամները բերման ենթարկվեցին

Ոստիկանության աշխատակիցները բերման են ենթարկում Ոստիկանության 6-րդ վարչության շենքի դիմաց հավաքված «Ադեկվադ» միաբանության անդամներին։

Լրագրողների հետ զրույցում «Ադեկվադ» միաբանության անդամ Լիկա Թումանյանն ասաց, որ, ըստ Ոստիկանության աշխատակիցների,  մոտավորապես 20 քաղաքացի չեն ենթարկվել պարետի որոշմանը.

«Բայց ես ներկա եմ եղել եւ գիտեմ, որ մեր միաբանությա անդամները պահպանել են սոցիալական հեռավորություն, բոլորը եղել են ձեռնոցով եւ դիմակներով։ Ավելին, ոստիկաններն էին ավելի շատ քանակով»։

Նշենք, որ այս պահին «Ադեկվադ» միաբանության ղեկավար Արթուր Դանիելյանը ՀՀ ոստիկանության քրեական ոստիկանության գլխավոր վարչություն ՀԱՄԱԴՊՎ ահաբեկչության եւ ծայրահեղականության դեմ պայքարի բաժնում է։ Միաբանության անդամները հավաքվել էին վարչության դիմաց՝ իմանալու՝ ինչու է Արթուր Դանիելյանը հրավիրվել Ոստիկանության 6-րդ վարչություն։