Հպարտ եմ մեր համատեղ անցած ճանապարհի համար. Արայիկ Հարությունյանը՝ Արշավիր Ղարամյանին

Արցախի նորընտիր նախագահ Արայիկ Հարությունյանը ֆեյսբուքյան իր էջում գրում է.

«Պետական և ռազմական գործիչ, «Արցախի հերոս» և մեր հայրենիքի նվիրյալ Արշավիր Ղարամյանին ճանաչում եմ դեռևս պատերազմի տարիներից: Անգնահատելի է նրա ավանդն արցախյան պատերազմում ունեցած հաղթանակների և մեր պետականաշինության գործընթացում:

Համոզված եմ՝ նա իր գիտելիքներով և ռազմական փորձով դեռ երկար տարիներ կշարունակի օգտակար լինել մեր հայրենիքի անվտանգության համակարգի կատարելագործմանը:

Հպարտ եմ մեր համատեղ անցած ճանապարհի համար, պարո՛ն գեներալ»:

Հիշեցնենք, որ ավելի վաղ, Արցախի անվտանգության խորհրդի քարտուղար Արշավիր Ղարամյան սեփական դիմումի համաձայն ազատվել է աշխատանքից: