Փոփոխություն՝ դիմակները կրելու որոշման մեջ. քաղաքացին պետք է իր մոտ դիմակ ունենա, բայց բաց տարածքներում կրելը պարտադիր չէ
Ինչպես հայտնի է, մայիսի 18-ից դիմակներ կրելը պետք է պարտադիր լիներ հասարակական տրանսպորտում և մետրոյում, իսկ արդեն մայիսի 25-ից՝ բոլոր հանրային վայրերում՝ բաց և փակ։ Սակայն դիմակներ կրելու կարգում փոփոխություններ են եղել եւ արդեն բաց տարածքներում պարտադիր է ոչ թե դիմակներ կրելը, այլ պարզապես դրանց առկայությունը։
Araratnews.am-ը խոսել է փոխվարչապետ, ՀՀ պարետ Տիգրան Ավինյանի խոսնակ Վահան Հունանյանի հետ: Նրա տեղեկացմամբ՝ դիմակները կրելու որոշման մեջ փոփոխություն է եղել:
Մայիսի 18-ից բոլոր տարածքներում, նաև տրանսպորտում պարտադիր կլինի դիմակներ կրելը, իսկ բաց վայրերում պարտադիր է լինելու դիմակի առկայությունը: Այսինքն՝ քաղաքացին պետք է դիմակ ունենա, բայց կրելը պարտադիր չէ:
Որոշման պատճառն այն է, որ քաղաքացին բաց տարածքից կարող է մտնել փակ տարածք, չդնել դիմակ, պատճառաբանել, որ չունի: Այդ պատճառով էլ դիմակի առկայությունը բաց վայրերում պարտադիր է:
