Բաթումիի լողափերն այսօր մարդաշատ են եղել
Բաթումի լողափերն ու բուլվարն այսօր մարդաշատ է եղել, ոմանք անգամ համարձակվել են լողալ։ Ինչպես տեղեկացնում է 1tv.ge կայքը, վարակաբան, «Մեդալֆ» կլինիկայի մենեջեր Լևան Անթաձեի խոսքերով ՝ ծովում լողալը մարդկանց համար վտանգ չի ներկայացնում:
Աջարիայի առողջապահության նախարար Զաալ Միքելաձեն հայտարարել է, որ ծովի ջուրը վտանգավոր չէ կորոնավիրուսի տարածման տեսանկյունից:
«Ծովում լողալն անվտանգ է, սա արդեն բազմիցս ասվել է: Բայց խորհուրդ է տրվում հեռավորություն պահպանել: Համաշխարհային փորձն այս առումով դեռ շատ քիչ է: Մենք ակնկալում ենք, որ Առողջապահության համաշխարհային կազմակերպությունը ծովում գտնվելու վարքի արձանագրություն կմշակի, որով կառաջնորդվենք: Միևնույն ժամանակ, խորհուրդ եմ տալիս քաղաքացիներին երկար չմնալ լողափում», – ասել է Զաալ Միքելաձեն:
